ՏԵՍԱՆՅՈՒԹ. Եռաբլուրում Շահրամանյանի թիկնապահը հայհոյեց ԶԼՄ-ներից մեկի լրագրողին և օպերատորին

Այսօր Արցախյան շարժման 36-ամյակին Արցախի նախագահ Սամվել Շահրամանյանն այցելել է Եռաբլուր։ 

24News-ի նկարահանող խումբը գտնվել է Եռաբլուրում, որի ժամանակ Շահրամանյանի թիկնապահի և լրագրողի միջև միջադեպ է տեղի ունեցել։

Լրատվամիջոցը հայտնում է, որ Սամվել Շահրամանյանի թիկնազորը դրսևորել է իրեն բացառիկ լկտի ձևով՝ հրել ու հայհոյել լրագրողին և օպերատորին։

«24News-ի խմբագրակազմը խստորեն դատապարտում է Արցախի նախագահի թիկնազորի այս պահվածքը և խոսք է տալիս հետամուտ լինել խնդրի բարձրաձայնմանը, ինչպես նաև պահանջում է ներողություն հենց Արցախի նախագահից»,-ասվում է լրատվամիջոցի հրապարակման մեջ։