Ադրբեջանցիները վանդալիզմի են ենթարկել Ստեփանակերտի «Անդրանիկ» փողոցի քանդակները

Ադրբեջանի մշակութային ցեղասպանության հերթական զոհը դարձան Ստեփանակերտի «Անդրանիկ» փողոցում տեղադրված քանդակները, հայտնում է «Հայքի մշակույթի օմբուդսմեն» ՀԿ-ն:

Ադրբեջանցիների կողմից հրապարակված տեսանյութում վանդալիզմի հետքեր են նկատվել: Կազմակերպությունն ամենօրյա պարբերականությամբ բազմաթիվ փաստեր են արձանագրում՝ օկուպացված Արցախում Ադրբեջանի կողմից պետական մակարդակով իրականացվող մշակութային ցեղասպանության առնչությամբ:

«Այս ամենը մեկ անգամ ևս վկայում է այն մասին, որ Ադրբեջանը պետական մակարդակով ոչնչացնում է Արցախի մշակութային ժառանգությունը»,– գրում է ՀԿ–ն: