Հակակոռուպցիոն կոմիտեն խուզարկություն է իրականացնում Երևանի քաղաքապետարանում

Համացանցում լուրեր են տարածվել, որ Հակակոռուպցիոն կոմիտեն այս պահին խուզարկում է Երևանի քաղաքապետարանի երկրորդ մասնաշենքը։ Auroranews-ը կապ հաստատեց  Երևանի քաղաքապետի մամուլի խոսնակ Հայկ Կոստանյանի հետ: 

Քաղաքապետարանից հայտնեցին, որ մասնավորապես խուզարկությունն իրականացվում է քաղաքապետարանի աշխատակազմի ճարտարապետության և քաղաքաշինության վարչությունում։

Auroranews-ի հետ զրույցում Հակակոռուպցիոն կոմիտեից ևս հաստատեցին, որ քաղաքապետարանում այս պահին քննչական գործողություններ են իրականացվում` կոմիտեում քննվող քրեական վարույթի շրջանակում:

Թե ինչ քրեական վարույթի շրջանակում են իրավապահները խուզարկություններ սկսել՝ առայժմ տեղեկություն չի հաղորդվում։