ՏԵՍԱՆՅՈՒԹ. Էրդողանը հանդերձարանում հանդիպել է Թուրքիայի հավաքականի ֆուտբոլիստների հետ

Թուրքիայի նախագահ Էրդողանը Բեռլինի «Օլիմպիաշտադիոնի» հանդերձարանում հանդիպել է Թուրքիայի հավաքականի ֆուտբոլիստներին եւ մարզիչներին Եվրո-2024-ի քառորդ եզրափակիչի հանդիպումից հետո։

Թուրքիայի թիմը 1:2 հաշվով պարտվել էր Նիդերլանդներին եւ դուրս մնացել պայքարից։ Էրդողանը կնոջ հետ տրիբունայից հետեւել էր խաղին:

Էրդողանը իտալերեն շնորհակալություն է հայտնել հավաքականի իտալացի գլխավոր մարզիչ Վինչենցո Մոնտելային կատարած աշխատանքի համար։

Եվրո-2024-ում Թուրքիայի թիմը երեք հաղթանակ տարավ։ Խմբային փուլում թուրքերը 3:1 հաշվով հաղթեցին Վրաստանին, 0:3 հաշվով պարտվեցին Պորտուգալիային, 2:1 հաշվով պարտության մատնեց Չեխիային, 1/8 եզրափակիչում պայքարից դուրս թողեցին Ավստրիային՝ 2:1: