Նիկոլ Փաշինյանը` Դոնալդ Թրամփի մահափորձի մասին

«Նմանատիպ բռնությունները տեղ չունեն ժողովրդավարական հասարակության մեջ, քանի որ դրանք խարխլում են ժողովրդավարության և օրենքի գերակայության հիմնական սկզբունքները, որոնք մենք խորապես գնահատում ենք: Դոնալդ Թրամփին մաղթում եմ շուտափույթ ապաքինում», - նշել է ՀՀ վարչապետ Նիկոլ Փաշինյանը:

Հիշեցնենք, որ ԱՄՆ նախկին նախագահ Դոնալդ Թրամփի նախընտրական հանդիպման ընթացքում կրակոցներ են հնչել։ Դեպքը տեղի է ունցեցել հուլիսի 13-ին Փենսիլվանիայում։

Անվտանգության աշխատակիցները Թրամփին դուրս են հանել բեմից, իսկ տեսագրությունից երևում է՝ Թրամփի աջ ականջի և այտի շրջանում արյուն է:

Նշվում է, որ ենթադրյալ հանցագործը սպանվել է, ինչպես նաև զոհվել է նախընտրական հավաքի մասնակիցներից մեկը։