Մերգելյանի այգու մոտ գտնվող գյուղմթերքների շուկան հանվելու՞ է. պարզաբանում Երևանի քաղաքապետարանից

Auroranews-ը քաղաքացիներից  ահազանգ է ստացել, որ Արաբկիր վարչական շրջանի Մերգելյանի այգու մոտ գտնվող գյուղմթերքների շուկան հանվելու է: Ո՞ւր է տեղափոխվելու, պատճառը ո՞րն է, չեն նշել:

Ուստի գրավոր դիմել էինք Քաղաքապետարան, խնդրելով պարզաբանել, արդյո՞ք այս տեղեկությունը համապատասխանում է իրականությանը, թե՞ ոչ: Եթե այո, ապա ինչ լուծում է գտնվել շուկայի հետագա աշխատանքի եւ աշխատակիցների համար:

Մեզ հասցեգրված պատասխան նամակում նշված է, որ նման հարց չի քննարկվում: Բայց Auroranews-ն այս խնդիրը պահելու է իր ուշադրության կենտրոնում: