Գործակալս ինձ ասաց. Դու քեզ տեսե՞լ ես, ի՞նչ Եվրոպա․ Տիկնիզյան

Հայաստանի ազգային հավաքականի և Մոսկվայի «Լոկոմոտիվի» պաշտպան Նաիր Տիկնիզյանը խոսել է եվրոպական ակումբ հնարավոր տեղափոխության լուրերի մասին։

Ֆուտբոլիստը պատմել է, որ մի անգամ իր գործակալ Ալեքսանդր Կլյուևին հարցրել է, թե ինչու Եվրոպայից առաջարկներ չկան, ինչին ի պատասխան գործակալն հումորով պատասխանել է։

«Դու քեզ տեսե՞լ ես, ի՞նչ Եվրոպա: Իրականում նա շատ առումներով իրավացի է»,- Տիկնիզյանի խոսքերն է մեջբերում Metaratings-ը։ Ավելի վաղ տեղեկություններ կային, որ 25-ամյա ֆուտբոլիստի ծառայություններով հետաքրքրված է «Սպարտակը»։

Հիշեցնենք, որ Նաիրի գործող պայմանագրի ժամկետը «Լոկոմոտիվի» հետ նախատեսված է մինչև 2026 թվականը։ Transfermarkt-ը ֆուտբոլիստի տրանսֆերային արժեքը գնահատում է 6,5 միլիոն եվրո: