Դա Բարսելոնայի պատմության ամենամեծ սխալն է․ Ֆոնտ

Կատալոնական «Բարսելոնայի» նախագահի նախկին թեկնածու Վիկտոր Ֆոնտը մեկնաբանել է Չավի Էրնանդեսի հեռանալը ակումբից։

«Չավին ցանկանում էր մարզել թիմը, բայց այն, ինչ տեղի ունեցավ, լիովին ոչ նորմալ է: Ես կցանկանայի տեսնել «Բարսելոնայի» ղեկավարությունում այն մարդկանց, ովքեր հարգում են լեգենդներին և ոչ թե նրանց թիմից հեռացնում:

Նույնը եղավ Լեո Մեսսիի հետ․ դա ակումբի պատմության ամենամեծ սխալն է»,- The Athletic-ին ասել է Ֆոնտը:

Հիշեցնենք, որ Չավին կատալոնական թիմի գլխավոր մարզչի պաշտոնը լքել է 2023/2024 մրցաշրջանի ավարտին։ Նրա տեղը հրավիրվել է գերմանացի մասնագետ Հանս-Դիտեր Ֆլիկը։