Անձրևներ, օդի ջերմաստիճանի նվազում․ առաջիկայի եղանակը

Այսօր Հայաստանի առանձին շրջաններում կեսօրից հետո սպասվում է կարճատև անձրև և ամպրոպ։ Այս մասին հայտնում է Հիդրոօդերևութաբանության և մոնիտորինգի կենտրոնը։

Ամպրոպի ժամանակ սպասվում է քամու ուժգնացում 18-20մ/վ արագությամբ։

Օդի ջերմաստիճանը սեպտեմբերի 13-14-ին աստիճանաբար կնվազի 5-6 աստիճանով։

Այսօր անձրև է սպասվում նաև Երևանում։ Մայրաքաղաքում ցերեկային ժամերին կգրանցվի 31-33, գիշերը` 17-19 աստիճան տաքություն։