ՌԴ-ից նշում են, թե որ դեպքում կավարտվի պատերազմը

Ուկրաինայում ռուսական հատուկ գործողությունը կավարտվի հենց որ Մոսկվան այս կամ այն կերպ հասնի իր առջև դրված նպատակներին։ Այս մասին ճեպազրույցի ժամանակ ընդգծել Է ՌԴ նախագահի մամուլի քարտուղար Դմիտրի Պեսկովը՝ իրադարձությունների նման զարգացումն անայլընտրանք անվանելով։

«Ցանկացած պատերազմ, այն այսպես թե այնպես ավարտվում է խաղաղությամբ», - մեկնաբանել Է Կրեմլի ներկայացուցիչը Ուկրաինայի նախագահ Վլադիմիր Զելենսկու այն հայտարարությունը, որ հակամարտության ավարտը կգա ավելի շուտ, քան սպասվում էր:

«Մեզ համար բացարձակապես անայլընտրանք է մեր առջև դրված նպատակների իրագործումը։ Հենց որ այդ նպատակներն այս կամ այն կերպ իրականացվեն, հատուկ ռազմական գործողությունը կավարտվի», - ընդգծել Է Պեսկովը: