Ամերիկացիները ստում են. Իրանի նախագահ

«Ամերիկացիները ստում են, թե Իրանը միջուկային ռումբ է ցանկանում ստեղծել: Նրանք մեր մասին սուտ տեղեկություններ են տարածում աշխարհին։ Իրանը կնքեց միջուկային գործարք և իրականացնում էր դրա դրույթները, Ատոմային էներգիայի գործակալությունը ամենաշատ վերահսկողությունն ուներ Իրանի խաղաղ միջուկային գործունեության վրա:

Եթե մենք զենք և հրթիռներ ենք արտադրում, միայն պաշտպանվելու նպատակով ենք անում։ Սադամ Հուսեյնի կողմից պարտադրված պատերազմի ժամանակ ամերիկացիների և եվրոպական որոշ երկրների աջակցությամբ մեր երկիրը հրթիռակոծվեց, իսկ մենք անպաշտպան էինք», - CNN-ին թված հարցազրույցում ասել է Իրանի նախագահ Մասուդ Փեզեշքիանը: Վերջինիս պնդմամբ Իրանը պաշտպանվելու համար պետք է ունենա բարձր ռազմական հզորություն թշնամիներին դիմակայելու համար: