Իլհամ Ալիևը շնորհավորանքը` Վրաստանի վարչապետ Իրակլի Կոբախիձեին

Իլհամ Ալիևը շնորհավորել է Վրաստանի վարչապետ Իրակլի Կոբախիձեին` խորհրդարանական ընտրություններում «Վրացական երազանք» կուսակցության հաղթանակի կապակցությամբ:

«Վստահություն եմ հայտնում, որ ընտրությունների արդյունքները կնպաստեն ադրբեջանա-վրացական միջպետական հարաբերությունների հետագա զարգացմանը, որոնք սկիզբ են առնում պատմականորեն բարեկամության, եղբայրության և բարիդրացիության պայմաններում ապրող մեր ժողովուրդների կամքից և մեր երկրների դիրքերի հետագա ամրապնդմանը Հարավային Կովկասում և ավելի լայն աշխարհագրության մեջ», — ասված է ուղերձում:

Ալիևը Կոբախիձեին հրավիրել է նաև պաշտոնական այցով այցելել Ադրբեջան` քաղաքական երկխոսությունը շարունակելու համար: