Բիթքոինի արժեքը հասել է նոր պատմական առավելագույնի

Մեկ ժամվա ընթացքում բիթքոինի արժեքը կրկին թարմացրել է ռեկորդը և արդեն բարձրացել է 97 հազար դոլարից: Այս մասին տեղեկանում ենք կրիպտոարժույթների առևտրի ծավալով խոշորագույն Binance բորսայի տվյալներից:

Երևանի ժամանակով ժամը 9:00-ի դրությամբ բիթքոինը մեկ օրում թանկացել է արդեն 5,96 տոկոսով եւ հասել 97,559 դոլարի արժեքի: 

Ինչպես գրում է «Коммерсантъ» պարբերականը, կրիպտոարժույթի արժեքի աճը պայմանավորված է այն ակնկալիքներով, որ ԱՄՆ նորընտիր նախագահ Դոնալդ Թրամփը կնպաստի կրիպտոարժույթի ոլորտում ավելի պարզեցված կարգավորման ներդրմանը:

Նախօրեին հաղորդվել էր, որ բիթքոինի արժեքը թարմացրել է պատմական առավելագույնը եւ առաջին անգամ գերազանցել է մեկ մետաղադրամի համար 94 հազար դոլարի նշագիծը: