ՏԵՍԱՆՅՈՒԹ․ Ավիահարված՝ Բեյրութի կենտրոնին․ զոհերի և վիրավորների թիվն աճում է

Իսրայելի ռազմաօդային ուժերն այսօր առավոտյան հարված են հասցրել Բեյրութի կենտրոնում Բաստա շրջանում գտնվող բնակելի շենքին։ Այս մասին հաղորդում է Al Mayadeen հեռուստաալիքը՝ վկայակոչելով սեփական թղթակցին:

Առնվազն 11 մարդ Է զոհվել, ևս 33-ը՝ վիրավորվել: Նման տվյալներ է ներկայացրել Al Hadath հեռուստաալիքը՝ վկայակոչելով Բեյրութի բժշկական աղբյուրները։

Ամբողջությամբ ավերվել է 8 հարկանի շենք, վնասվել են ևս հինգ հարակից շենքեր: Փրկարարների բրիգադները շարունակում են փլատակների ապամոնտաժումը պայթյունի վայրում։ Զոհերի և տուժածների թիվը կարող է աճել։

Ավելի վաղ Al Manar հեռուստաալիքը հայտնել էր, որ շաբաթ գիշերը իսրայելական մարտական ավիացիան մի շարք հարվածներ է հասցրել Բեյրութի հարավային արվարձանին՝ գրոհելով Հարեթ Հրեյքի, Ղբեյրիի և Շիյեի շրջանները: