Պենտագոնը` Ուկրաինային հակահետևակային ականներ մատակարարման մասին

ԱՄՆ-ը չի հրապարակի` Ուկրաինա հակահետևակային ականներ ուղարկելու ժամկետների մասին տվյալներ, ասել է Պենտագոնի մամուլի քարտուղարի տեղակալ Սաբրինա Սինգհը։

«Մենք չենք հայտարարում երկիր ռազմական տեխնիկա մատակարարելու մասին և դա թողնում ենք  ուկրաինական կողմի վրա», - ասել է Սինգհը ճեպազրույցի ժամանակ՝ պատասխանելով հակահետևակային ականներով բեռի մատակարարման մասին հարցին։

Նա նաև հավելել է, որ Պենտագոնը նոր տեղեկություններ չունի մատակարարումների ընթացքի մասին։

Պատասխանելով հրադադարի վերաբերյալ առաջարկվող բանակցությունների մասին հարցին՝ Սինգհը նշել է, որ այդ հարցերը գտնվում են Սպիտակ տան Ազգային անվտանգության խորհրդի և ԱՄՆ Պետդեպարտամենտի իրավասության մեջ՝ առաջարկելով նրանց պարզաբանումներ ստանալ համապատասխան գերատեսչություններից։