ԼՂ-ից բռնի տեղահանված քանի անձ է ստացել ՀՀ քաղաքացիություն

Հայաստանի Հանրապետության քաղաքացիություն ստանալու համար դիմել է Լեռնային Ղարաբաղից բռնի տեղահանված 6338 անձ: Այս մասին ԱԺ-ում Լեռնային Ղարաբաղից բռնի տեղահանված անձանց խնդիրներին առնչվող քննարկման ժամանակ հայտնեց ՀՀ ներքին գործերի նախարարի տեղակալ Արմեն Ղազարյանը։

Նշվում է, որ այս պահի դրությամբ մոտ 4400 մարդու քաղաքացիություն է տրվել։

Ղազարյանի խոսքով՝ այս դեպքում չեն հաշվարկվում անչափահասները, որովհետև ծնողների քաղաքացիության ձեռքբերումից հետո նրանք օրենքի ուժով այդ քաղաքացիությունը ձեռք են բերում զուտ անձնագրավորման ճանապարհով և անհրաժեշտ չէ հավելյալ քաղաքացիություն ձեռք բերելու գործընթաց անցնել։