Բիթքոինը ստեղծումից 16 տարի անց սահմանել է պատմական ռեկորդ

Բիթքոին թվային արժույթի գինը ստեղծումից 16 տարի անց առաջին անգամ հասել է 103 335 դոլարի։ Դա պայմանավորված է, այդ թվում, ԱՄՆ նախագահի պաշտոնում Դոնալդ Թրամփի ընտրվելով, քանի որ նա խոստացել է ամրապնդել կրիպտոարժույթների դերը ֆինանսական շուկաներում։ Այս մասին հաղորդում է Reuters գործակալությունը։

Վերջին մեկ տարվա ընթացքում կրիպտոարժույթի շուկայի ընդհանուր արժեքը գրեթե կրկնապատկվել է՝ հասնելով ռեկորդային մոտ 3,8 տրիլիոն դոլարի։

Բիթքոինի արժեքն այս տարվա ընթացքում գրեթե կրկնապատկվել է՝ 50% աճ գրանցելով Թրամփի ընտրվելուց հետո վերջին չորս շաբաթների ընթացքում։ Իր ընտրարշավի ընթացքում Թրամփը խոստանում էր ԱՄՆ-ն դարձնել «մոլորակի կրիպտո մայրաքաղաքը» և կուտակել բիթքոինի ազգային պաշար։