«Աշխարհում ոչ մի բանակ չունի նման բան». Պուտին

Դուք շատ կուզենայիք, որ Ռուսաստանը թուլացած դիրքերում լիներ, բայց ես այլ տեսակետ ունեմ։ Նման պատասխան է տվել ՌԴ նախագահ Վլադիմիր Պուտինն ամերիկական NBC-ի լրատվականի թղթակցի հարցին, որ ասել էր, որ Ռուսաստանը չի հասել կենտրոնական ռազմական օկրուգի նպատակներին եւ կորցնում է գեներալներ։

Պուտինը նաև նշել է, որ ՆԱՏՕ-ի բոլոր երկրները պատերազմում են Ռուսաստանի դեմ, սակայն ռուսական բանակի մարտունակությունն աշխարհում ամենաբարձր մակարդակի վրա է։

«Աշխարհում ոչ մի բանակ չունի նման բան, Ռուսաստանը հզորացել է և դարձել իսկապես ինքնիշխան երկիր։ Եկեք չնայենք ուրիշների կարծիքներին»,- հավելել է Պուտինը:

Ինչ վերաբերում է Սիրիային, ապա Ռուսաստանի հիմնական խնդիրն էր թույլ չտալ այնտեղ ահաբեկչական անկլավի ստեղծումը։ Այս նպատակը իրագործվել է: Նա նաև հիշեցրել է, որ այնտեղ ՌԴ ցամաքային զորքեր չեն եղել, միայն ռազմաբազաներ են եղել։

Պատասխանելով Ռուսաստանի թուլության մասին հարցին՝ Պուտինը մեջ է բերել Մարկ Տվենի խոսքերը. «Իմ մահվան մասին լուրերը խիստ ուռճացված են»:

Պատասխանելով գեներալ Իգոր Կիրիլովի դեմ մահափորձի մասին NBC-ի լրագրողի հարցին՝ Պուտինը նշել է, որ սա ահաբեկչություն է, որը տեղի է ունեցել մեծ թվով մարդկանց համար վտանգավոր եղանակով։

«Մենք երբեք չենք լսել նման ահաբեկչական հարձակումների դատապարտում»- ընդգծել է Պուտինը։

Հարցին, թե արդյոք ՌԴ-ն պատրաստ է Կիևի հետ փոխզիջման գնալ, Պուտինը պատասխանել է. «Քաղաքականությունը փոխզիջումների արվեստ է, Ռուսաստանը միշտ պատրաստ է եղել բանակցությունների»

Պետության ղեկավարը հիշեցրել է, որ 2022 թվականի վերջին Կիևի հետ արդեն պայմանավորվածություններ են ձեռք բերվել, սակայն Բորիս Ջոնսոնը՝ «տարօրինակ սանրվածքով մարդը», արգելել է Ուկրաինային հաշտություն կնքել։