Զելենսկին ժամանել է Անկարա

Վլադիմիր Զելենսկին ժամանել է Անկարա, որտեղ երեքշաբթի օրը բանակցություններ կվարի Թուրքիայի նախագահ Ռեջեփ Թայիփ Էրդողանի հետ՝ ուկրաինական հակամարտության կարգավորման շուրջ, հայտնում է թուրքական Star թերթը։

Ավելի վաղ Թուրքիայի ղեկավարի վարչակազմը հայտարարել էր Անկարայում նախատեսված բանակցությունների մասին։

«Զելենսկու և նրա ուղեկցող պատվիրակության հետ ինքնաթիռը վայրէջք է կատարել Անկարայի Էսենբոգա օդանավակայանում ժամը 21:08-ին (Մոսկվայի ժամանակով):  Զելենսկին օդանավակայանում դիմավորել են պաշտոնյաները: Վաղը Զելենսկին նախատեսում է Անկարայի նախագահական համալիրում հանդիպել նախագահ Ռեջեփ Թայիփ Էրդողանի հետ»,- մանրամասնում է հրատարակությունը։