Սպասվում է անձրև. եղանակը՝ Հայաստանում

Այսօր և վաղը` երեկոյան ժամերին, Հայաստանի առանձին շրջաններում կարճատև անձրև է սպասվում: Այս մասին հայտնում է Հիդրոօդերևութաբանության և մոնիտորինգի կենտրոնը։

Եղանակը կշարունակի տաքանալ։ Մինչև ամսի 29-ը օդի ջերմաստիճանը ցերեկային ժամերին աստիճանաբար կբարձրանա 5-7 աստիճանով։

Այսօր տեղումներ են սպասվում նաև Երևանում. օդերևութաբաններն անձրև են կանխատեսում երեկոյան ժամերին։ Ցերեկը մայրաքաղաքում օդի ջերմաստիճանը կտատանվի +17-ից +18-ի, իսկ գիշերը` +8-ից +10 աստիճանի սահմաններում։