Ադրբեջանցի զինվորականները Մոսկվայում կմասնակցեն Հաղթանակի շքերթին

Ադրբեջանցի զինծառայողները Մոսկվայում կմասնակցեն Հաղթանակի շքերթին: Այս մասին հայտնել է լ ՌԴ-ում Ադրբեջանի դեսպան Ռահման Մուստաֆաևը։

«Ադրբեջանցի զինվորականները շքերթին կմասնակցեն 80 հոգուց բաղկացած խմբով՝ ադրբեջանական բանակի 80 զինծառայող»,- ասել է նա։

Դեսպանը նշել է, որ իրենք շուտով կմեկնեն Մոսկվա՝ փորձերի։

«Սա մեր ընդհանուր հաղթանակն է»,- հավելել է Մուստաֆաևը։

Մարտի 15-ին Կրեմլի մամուլի ծառայությունը հայտնել է, որ Ռուսաստանի նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն և Տաջիկստանի նախագահ Էմոմալի Ռահմոնը հեռախոսով կապ են հաստատել Ադրբեջանի նախագահ Իլհամ Ալիևի հետ և քննարկել ընթացիկ հարցեր։ Զրույցի ընթացքում պայմանավորվածություն է ձեռք բերվել նաև հանդիպել մայիսի 9-ին Մոսկվայում՝ Հայրենական մեծ պատերազմում տարած հաղթանակի 80-ամյակին նվիրված տոնական միջոցառումների ժամանակ։