Իրանի ԱԳՆ ղեկավարը՝ ԱՄՆ–ի հետ հանդիպման ընթացքի մասին

Gohar Vardanyan 1 րոպե 577 դիտում

12.04.2025 20:26

Իրանի Արտաքին գործերի նախարար Աբբաս Արաքչին Օմանում Իրանի և ԱՄՆ-ի միջև բանակցությունների մթնոլորտը բնութագրել է որպես կառուցողական և հանգիստ, ինչպես նաև շնորհակալություն է հայտնել Օմանի ԱԳ նախարարին՝ իր ջանքերի համար՝ ուղղված իրանական և ամերիկյան պատվիրակությունների միջև կարծիքների փոխանակմանը։

«Մենք ունեցանք մոտ երկու ու կես ժամ տևողությամբ անուղղակի զրույցներ։ Բանակցություններն անցկացվեցին լիովին հարգալից, հանգիստ և կառուցողական մթնոլորտում», – ասել է Արաքչին՝ ըստ իրանական պետական SNN գործակալության։

Շաբաթ օրը Օմանի մայրաքաղաք Մասկատում կայացել են անուղղակի բանակցություններ՝ Իրանի ԱԳ նախարարի և ԱՄՆ նախագահի՝ Մերձավոր Արևելքի հարցերով հատուկ բանագնաց Սթիվ Ուիթքոֆի միջև։