Իսրայելը Բեյրութում բնակելի շենք է ռմբակոծել

Իսրայելական օդուժը հարված է հասցրել Բեյրութի հարավային արվարձանի Հադաս շրջանում գտնվող բնակելի շենքին: Զոհերի և տուժածների մասին չի հաղորդվում:

Հարվածի պատրվակը, ենթադրաբար, «Հզբոլլահ» շարժմանը պատկանող և բնակելի շենքում գտնվող օբյեկտն էր: Ռազմական ինքնաթիռների հարձակմանը նախորդել են երկու ԱԹՍ–ների հարվածներ։

Ավելի վաղ Իսրայելի զինվորականները կոչ են արել Լիբանանի մայրաքաղաքի հարավային Հադաս արվարձանի բնակիչներին շտապ տարհանվել անվտանգ վայր՝ կապված «Հըզբոլլահ»-ի ենթադրյալ թիրախի վրա առաջիկա ավիահարվածի հետ։ Իսրայելի բանակի խոսնակը սոցցանցում գրառմամբ զգուշացրել է սպասվող օդային հարձակման մասին և հրապարակել քարտեզ, որը ցույց է տալիս հարվածի վայրը։