Ուկրաինայի զինված ուժերը փորձել են ներխուժել Կուրսկի մարզ. Կադիրով

Չեչնիայի ղեկավար Ռամզան Կադիրովը հայտարարել է, որ «Ախմատ» հատուկ նշանակության ջոկատները, գրոհային խմբերի հետ միասին, կանխել են Ուկրաինայի զինված ուժերի ներթափանցումը Կուրսկի մարզի տարածք:

Միեւնույն ժամանակ Ռուսաստանի պաշտպանության նախարարությունը չի հայտնել Ուկրաինայի զինված ուժերի կողմից տարածաշրջան ներխուժելու որևէ փորձի մասին։

Ինչպես հավելել է Չեչնիայի ղեկավարը, ռուսական զորքերը անօդաչու թռչող սարքերի միջոցով տեղեկատվություն են ստացել ուկրաինացի զինծառայողների գտնվելու վայրի մասին: Նա մանրամասնել է, որ կոորդինատները փոխանցվել են տանկային անձնակազմերին, որոնք կրակ են բացել։