Պակիստանի խաբեությունը բացահայտվեց. Հնդկաստանի ՊՆ

Պակիստանը քաղաքացիական օդանավեր է օգտագործում Հնդկաստանի վրա իր հարձակումները ծածկելու համար, հայտարարել է Հնդկաստանի ռազմաօդային ուժերի ավիաթևի հրամանատար Վիոմիկա Սինգհը, հաղորդում է «ՏԱՍՍ»-ը:

«Պակիստանը քաղաքացիական օդանավերը օգտագործում է որպես վահան՝ քաջ գիտակցելով, որ Հնդկաստանի վրա իր հարձակումը կհանգեցնի ՀՕՊ-ի արագ արձագանքին։ Պակիստանի այդ քայլը վտանգավոր է  քաղաքացիական ինքնաթիռների համար, ներառյալ միջազգային թռիչքները, որոնք թռչում էին Հնդկաստանի և Պակիստանի  վերահսկողության գծին շատ մոտ», - ասալ է Սինգհը ճեպազրույցի ժամանակ:

Հավելենք՝ Հնդկական բանակի ներկայացուցիչը ևս մեկ անգամ նշել է, որ տեղի իշխանությունները փակել են  օդային տարածքը Պակիստանի համար: