Իրանը և Ադրբեջանը համատեղ զորավարժություններ կանցկացնեն

Ադրբեջանական լրատվամիջոցները, հղում անելով երկրի պաշտպանության նախարարությանը, հայտնել են Իրանի և այլ մասնակիցների հետ համատեղ զորավարժությունների մասին։

«Հանդիպում է տեղի ունեցել զորավարժությունների ղեկավարների և երկու երկրների այլ բարձրաստիճան ներկայացուցիչների միջև։

Հանդիպմանը ներկայացվել է զեկույց զորավարժությունների նպատակների, դրանց սցենարի և անցկացման վայրի, նախապատրաստական գործընթացի, անվտանգության կանոնների, ինչպես նաև տարբեր փուլերում կատարվելիք խնդիրների մասին», - ասվում է հաղորդագրության մեջ։

Ըստ այդ տեղեկության, զորավարժությունները կտևեն մինչև մայիսի 21-ը և կանցկացվեն այսպես ասած «օկուպացիայից» ազատագրված տարածքներում:

Թե հատկապես որ տարածքների մասին է խոսքը, չի նշվել: