Աղքատների բանակ չի լինելու. Հայկ Սարգսյան

Գումարի դիմաց կարճ ժամկետով զինծառայություն անցնելու նախագծի նպատակը աղքատների բանակ ստեղծելը չէ։ Ազգային ժողովում այս մասին հայտնել է օրինագծի հեղինակ, «Քաղաքացիական պայմանագիր» խմբակցության պատգամավոր Հայկ Սարգսյանը` պատասխանելով լրագրողների հարցերին։

«Իհարկե աղքատների բանակ չի լինելու, այլ լինելու է հակառակը։ Մեր նախագծի նպատակն այն է, որ ծառայեն բոլորը, նաև միջին խավը և հարուստները», - ասել է նա։

ՔՊ-ական պատգամավորը հավաստիացրեցլ է որ իր խմբակցությունում տարաձայնություններ չկան օրենքի վերաբերյալ՝ չնայած ընդունման հետաձգումներին։

«Անընդհատ քննարկումներն այն մասին են խոսում, որ նյութը շատ կարևոր է, դրա համար է երկար քննարկվում, այլ պատճառ չկա», - նշել է Սարգսյանը։