Եմենից Իսրայելի ուղղությամբ բալիստիկ հրթիռ է արձակվել

Իսրայելի պաշտպանության ուժերն իրենց տելեգրամ ալիքում հայտնել են, որ Եմենից բալիստիկ հրթիռի արձակումից հետո Իսրայելի մի քանի շրջաններում հնչել է օդային հարձակման սիրեն։

Իսրայելի պաշտպանության ուժերն ավելի ուշ պարզաբանել են, որ Եմենից արձակված հրթիռն ընկել է նախքան Իսրայելի տարածք հասնելը։

Եմենի հուսիթները (Անսար Ալլահ) հայտարարել են, որ Իրանի հետ միասին Իսրայելի ուղղությամբ երկու բալիստիկ հրթիռ են արձակել՝ թիրախավորելով Թել Ավիվի տարածքում գտնվող «իսրայելական թշնամու թիրախները»։ Միևնույն ժամանակ, իսրայելական ռազմական պաշտոնյաները հայտարարել են, որ տեղյակ չեն Եմենից արձակված որևէ հրթիռի մասին։