Ինչ պայման ունի Իրանը՝ ԱՄՆ-ի հետ բանակցությունները շարունակելու համար

ԱՄՆ-ը պետք է կանգնեցնի Իսրայելի հարձակումները Թեհրանի վրա՝ բանակցությունները վերսկսելու համար: Այս մասին Իրանի նախագահ Մասուդ Փեզեշքիանն ասել է իր թուրք գործընկեր Ռեջեփ Թայիփ Էրդողանի հետ հեռախոսազրույցի ժամանակ։

«Եթե ԱՄՆ-ն ցանկանում է վերսկսել բանակցությունները,  նախ պետք է դադարեցնի Իսրայելի տարածաշրջանային ագրեսիան»,- ասել է նա։

Փեզեշքիանը հավելել է, որ «Իրանը չի ձգտում ընդլայնել պատերազմը», սակայն կպատասխանի «իրանական հողի վրա ցանկացած հարձակման»։

Ավելի վաղ Փեզեշքիանն հայտարարել էր՝ «Ամերիկան ​​թույլ է տալիս Իսրայելին ագրեսիա իրականացնել և հարձակվել մեր երկրի վրա՝ հակասելով միջազգային իրավունքին»: