Իսրայելի ԶՈՒ-ն հայտարարություն է տարածել․ նոր հարձակում է սկսվել

Իսրայելի պաշտպանության ուժերը (IDF) ներկայումս հարվածներ են հասցնում Իրանի արևմտյան և կենտրոնական հատվածներում տեղակայված ռազմական թիրախներին: Այս մասին  հայտարարություն է տարածել  բանակի մամուլի ծառայությունը, հաղորդում է «Ռիա Նովոստի»-ն։

«Իսրայելի պաշտպանության բանակը ներկայումս թիրախավորում է Իրանի կենտրոնական և արևմտյան հատվածների ռազմական ենթակառուցվածքները», - ասվում է հայտարարության մեջ։

Հավելենք՝ ավելի վաղ տեղեկացրել էինք, որ  Իսրայելի ռազմաօդային ուժերը, օգտագործելով Delila հրթիռներ, որոնք կարող են խոցել 250 կիլոմետր հեռավորության վրա գտնվող թիրախներ, շարքից հանել են Սպահանում տեղակայված իրանական մի շարք հակաօդային պաշտպանության համակարգեր։