ԱՄՆ-ի նպատակը՝ ոչնչացնել Իրանի միջուկային օբյեկտները․ ԱՄՆ պետքարտուղար

Եթե ​​Իրանը հակահարված տա, դա կլինի նրա կողմից երբևէ թույլ տրված ամենամեծ սխալը։ Այս մասին հայտարարել է Ամերիկայի Միացյալ Նահանգների պետքարտուղար Մարկո Ռուբին, հաղորդում է «The New York Times»-ը։

«ԱՄՆ-ն պատրաստ է նույնիսկ վաղվանից Իրանի հետ բանակցել։ ԱՄՆ-ի նպատակը՝ ոչնչացնել Իրանի միջուկային օբյեկտները, իրականացել է, Վաշինգտոնի հետագա գործողությունները կախված կլինեն Թեհրանի արձագանքից»,- հայտարարել է ԱՄՆ պետքարտուղարը։

Հավելենք՝ ԱՄՆ փոխնախագահ Ջեյ Դի Վենսը նույնպես հայտարարություն էր արել, ասելով․ «Մենք իսկապես խաղաղություն ենք ուզում, բայց այն պայմաններում, երբ Իրանը միջուկային ծրագիր չունենա։ Եվ դա այն է, ինչին նախագահը հասավ»։