Լավրովը` ՌԴ-ի կողմից եվրոպական երկրների վրա հարձակման լուրերի մասին

Ռուսաստանը չի պլանավորում «հարձակվել» եվրոպական երկրների վրա, առավել ևս՝ «օկուպացնել» դրանք։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը հունգարական «Մագյար Նեմզետ» թերթին տված հարցազրույցում։

«Մենք ոչինչ չգիտենք Եվրոպայի վրա հարձակվելու մեր ծրագրերի մասին և առավել ևս՝ «օկուպացնելու» այն», - ասել է նախարարը՝ մեկնաբանելով արևմտյան հետախուզական գործակալությունների այն հաղորդագրությունները, որոնց համաձայն՝ Ռուսաստանի նախագահ Վլադիմիր Պուտինը, իբր, պատրաստվում է օկուպացնել Եվրոպան, և այնտեղ ընդլայնել ռուսական ազդեցությունը։