Եվրահանձնաժողովը Կիևին նախազգուշացում է ուղարկել

Եվրոպական հանձնաժողովը Կիևին նախազգուշացում է ուղարկել ֆինանսական աջակցության հնարավոր լիակատար դադարեցման մասին, հաղորդում է Frankfurter Allgemeine Zeitung-ը։

Ուկրաինայի գերագույն ռադայի պատգամավոր և եվրոպական հարցերով նախկին փոխվարչապետ Իվաննա Կլիմպուշ-Ցինցաձեն հաստատել է հրատարակությանը, որ ԵՄ-ից համապատասխան ազդանշան իսկապես ստացվել է։

Նրա խոսքով՝ փաստաթղթում նշվում է, որ «ԵՄ-ից ֆինանսական օգնությունը կսառեցվի, եթե կոռուպցիայի դեմ պայքարի մարմինների հետ կապված իրավիճակը չլուծվի»։ Սա վերաբերում է ամբողջ վճարմանը, այլ ոչ թե դրա մի մասին։

Միևնույն ժամանակ, Եվրոպական հանձնաժողովն իր նամակում նշել է, որ կոռուպցիայի դեմ պայքարի մարմիններում «ռուսական ազդեցություն չի տեսնում» և դրանք համարում է ճնշման պատրվակ։