Քաղաքացիներին վճարվել է 3.3 մլրդ դրամի սոցիալական ծախսերի փոխհատուցում

2025 թվականի օգոստոսի սկզբի դրությամբ ընդհանուր համընդհանուր հայտարարագիր ներկայացրած շուրջ 38 000 քաղաքացի պետությունից ստացել է շուրջ 3.3 մլրդ դրամի սոցիալական ծախսերի փոխհատուցում: Ընդհանուր առմամբ, իրենց հայտարարագրերն արդեն ներկայացրել է մոտ 92 000 մարդ։ Այս մասին գրել է ՀՀ ՊԵԿ նախագահ Էդուարդ Հակոբյանը։

«Այս համակարգի առավելությունների մասին քաղաքացիների տեղեկացվածության աճը հանգեցրել է հայտերի քանակի և փոխհատուցումների ծավալի ավելացմանը:

Ձեր հայտարարագիրը կարող է իրական աջակցություն լինել ձեր ընտանիքի կրթական և առողջապահական կարիքները բավարարելու համար»,- նշել է նա: