Երևանում հանրային տրանսպորտում ստուգայցերը շարունակվում են

Երևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր իրականացնել հանրային տրանսպորտում։ Այս մասին հայտնում է քաղաքապետարանի մամուլի ծառայությունը՝ կից ներկայացնելով տեսանյութ։

«Շնորհակալություն բոլոր քաղաքացիներին, ովքեր պատասխանատվությամբ կատարում են իրենց ուղեվարձի վճարումները․ ձեր աջակցությամբ հանրային տրանսպորտը դառնում է ավելի հարմարավետ ու ժամանակակից»,- ասվում է հաղորդագրությունում: