Ռուսաստանը զանգվածային հարվածներ է հասցրել Ուկրաինայի ենթակայաններին

Գիշերը Ռուսաստանն անօդաչու թռչող սարքերով զանգվածային հարվածներ է հասցրել Ուկրաինայի երկաթուղային ցանցը սնուցող ենթակայաններին։ Այս մասին Telegram-ում հայտնել է Ուկրաինայի վերակառուցման հարցերով փոխվարչապետ և համայնքների և տարածքների զարգացման նախարար Ալեքսեյ Կուլեբան։

«Նման հարձակումներն ունեն հստակ նպատակ՝ բարդացնել ուղևորների և բեռների տեղափոխումը, խաթարել տրանսպորտի կայուն գործունեությունը և լրացուցիչ ճնշում գործադրել մարդկանց վրա` ստեղծելով վախի մթնոլորտ», - նշել է Կուլեբան։

Նրա խոսքով՝ հարձակման պահին երթուղում 20-ից ավելի ուղևորատար գնացք է եղել։ Նշվում է, որ  ուղևորների կամ գնացքի աշխատակիցների շրջանում վիրավորներ չկան։