Գյումրու համայնքապետարանում քննչական գործողություններ են իրականացվում. ՔԿ

Գյումրիում զանգվածային անկարգություններին մասնակցելու, գործի քննությանը միջամտելու հատկանիշներով նախաձեռնված քրեական վարույթի նախաքննության շրջանակներում համայնքապետարանի շենքում կատարվում են քննչական գործողություններ: Այս մասին հայտնում են Քննչական կոմիտեից։

Ավելի վաղ Գյումրու քաղաքապետարանի պաշտոնական էջն էր տեղեկություն տարածել այն մասին, որ ոստիկանությունը և քննչական կոմիտեն կրկին այցելել են Գյումրու քաղաքապետարան՝ քաղաքապետի աշխատասենյակում գործողություններ իրականացնելու նպատակով։

Հիշեցնենք՝ Գյումրու համայնքապետ Վարդան Ղուկասյանը կալանավորվել է 2 ամսով. որոշումը կայացրել է Հակակոռուպցիոն դատարանի դատավոր Վարդգես Սարգսյանը։