Թրամփը ներում կշնորհի Փի Դիդիին

ԱՄՆ նախագահ Դոնալդ Թրամփը քննարկում է ամերիկացի ռեփեր և պրոդյուսեր Շոն Քոմբսի, որը հայտնի է որպես Փի Դիդի, պատժի մեղմացման հարցը։ Այս մասին հաղորդում է TMZ պորտալը՝ հղում անելով Սպիտակ տանը մոտ կանգնած աղբյուրներին։

Հաղորդագրության համաձայն, վարչակազմի որոշ պաշտոնյաներ դեմ են պատժի մեղմացմանը: Լրագրողները նշում են, որ Թրամփը տատանվում է, բայց, վերջին հաշվով, աղբյուրների խոսքով, նա կանի այն, ինչ ինքը կհամարի նպատակահարմար:

Նշվում է նաև, որ Սպիտակ տան ղեկավարը կարող է նրան ներում շնորհելու որոշում կայացնել արդեն այս շաբաթ, իսկ երաժիշտը կարող է ազատ արձակվել մոտ ապագայում։

Հիշեցնենք՝ ոկտեմբերի 4-ին Նյու Յորքի դատարանը Փի Դիդիին դատապարտել է ավելի քան չորս տարվա ազատազրկման։ Պրոդյուսերը մեղավոր էր ճանաչվել մարմնավաճառության նպատակով մարդկանց այլ երկրներ տեղափոխելու մեջ։ Ազատազրկման ժամկետից բացի, դատարանը նրան պարտավորեցրել է վճարել 500,000 դոլար տուգանք։