Որևէ մանկապարտեզ չի կարող որևէ երեխայի մերժել ընդունել՝ հաշմանդամության պատճառով․ Ժաննա Անդրեասյան

ԿԳՄՍ նախարար Ժաննա Անդրեասյանը հայտարարել է, որ որևէ մանկապարտեզ իրավունք չունի մերժել երեխայի ընդունումը հաշմանդամության հիմքով։

Խորհրդարանում նախարար Ժաննա Անդրեասյանը նաև նշել է, որ նման գործողությունը հակասում է ՀՀ օրենսդրությանը։ Նրա խոսքով՝ եթե որևէ մանկապարտեզի ղեկավար նման պատասխան է տալիս, ապա խախտում է «Նախադպրոցական կրթության մասին» օրենքը։

Անդրեասյանը հորդորեց ծնողներին նման դեպքերում դիմել նախարարություն՝ հավելելով, որ դա նրանց օրինական իրավունքն է։