Ադրբեջանական բանակը անցնում է ՆԱՏՕ-ի չափանիշներին. Ալիև

Ադրբեջանի նախագահ Իլհամ Ալիևը հայտնել է, որ երկրի զինված ուժերը շարունակում են անցում կատարել ՆԱՏՕ-ի չափանիշներին համապատասխանեցման ուղղությամբ։ Նա այս մասին ասել է Բաքվում ՆԱՏՕ-ի պատվիրակության հետ հանդիպման ընթացքում։

Ալիևի խոսքով՝ ադրբեջանական բանակի արդիականացման գործընթացը իրականացվում է Թուրքիայի զինված ուժերի հետ սերտ համագործակցությամբ։ Նախագահը ընդգծել է, որ բարեփոխումները նպատակ ունեն բարձրացնել զինված ուժերի կառավարման և մարտունակության մակարդակը՝ միջազգային չափանիշներին համապատասխան։

Նրա խոսքով՝ Բաքուն կարևորում է ՆԱՏՕ-ի հետ երկկողմ հարաբերությունների ընդլայնումն ու փորձի փոխանակումը՝ անվտանգության ոլորտում համագործակցության խորացման նպատակով։ Ալիևը հավելել է, որ բանակի արդիականացման աշխատանքները կշարունակվեն նաև առաջիկայում։