Մահացել է «Շիրակի» նախկին ֆուտբոլիստը

«Շիրակ» ֆուտբոլային ակումբի մամուլի ծառայությունը տեղեկացնում է, որ հիվանդության պատճառով 37 տարեկանում կյանքից հեռացել է թիմի նախկին ֆուտբոլիստ Լի Լամին Յորոն։

Ակումբը նշել է, որ սենեգալցի խաղացողը թիմում հանդես գալու տարիներին եղել է լավագույն լեգեոներներից մեկը՝ արժանանալով շիրակցի ֆուտբոլասերների սիրուն ու հարգանքին։ Հաղորդագրության մեջ ասվում է. «Հանգչիր խաղաղությամբ, մեր սիրելի Յորո»։

Յորոն «Շիրակի» կազմում դարձել է Հայաստանի չեմպիոն և գավաթակիր՝ անցկացրած 82 խաղում խփելով 24 գոլ։