Քանի քաղաքացի է տուգանվել ներհամայնքային տրանսպորտում խախտումներ կատարելու համար

Երևանի Քաղաքապետարանի գործակարգավարական խորհրդակցության ընթացքում հասարակական կարգի պահպանության ծառայության պետի պաշտոնակատար Ավետիք Բաբայանը տեղեկացրել է, որ ներհամայնքային տրանսպորտում արձանագրված վարչական իրավախախտումների հիմքով 438 անձի նկատմամբ ընդունվել է տուգանքի որոշում՝ վարչական իրավախախտումների վերաբերյալ ՀՀ օրենսգրքի 137.9-րդ հոդվածի համաձայն։

Բաբայանը նշել է, որ դրանցից 334-ը վերաբերում է առանց տոմս երթևեկելուն, 5-ը՝ այլ անձի արտոնությունից օգտվելուն, իսկ 99-ը՝ վճարային միջոց ունենալուն, սակայն այն չվավերացնելուն։