Ուկրաինայում խաղաղության պայմաններից մեկը պետք է լինի ռուսաց լեզվի նկատմամբ «խտրականության» վերացումը. Զախարովա

Ռուսաստանի արտաքին գործերի նախարարության խոսնակ Մարիա Զախարովան կարծում է, որ Ուկրաինայում խաղաղության հասնելու կարևոր պայմաններից մեկը ռուսերեն լեզվի նկատմամբ «խտրականական մոտեցումների» վերացումն է։ Նրա խոսքով՝ Կիևում ընդունվող որոշումները, որոնք սահմանափակում են ռուսախոս քաղաքացիների լեզվական իրավունքները, հակասում են խաղաղ գործընթացի տրամաբանությանը։

Զախարովայի գնահատմամբ՝ նման քաղաքականությունն ապացուցում է, որ ուկրաինական իշխանությունները չունեն պատրաստակամություն քաղաքական և դիվանագիտական լուծումների համար։

«Ուկրաինայի քայլերը ցույց են տալիս, որ խաղաղության ճանապարհին իրական շարժ չկա»,- նշել է նա։