Մոսկվայից Դուբայ թռչող ինքնաթիռն արտակարգ վայրէջք է կատարել Բաքվում՝ ուղևորի պատճառով

Մոսկվայի Վնուկովո օդանավակայանից Դուբայ թռչող Flydubai ավիաընկերության ինքնաթիռն արտակարգ վայրէջք է կատարել Բաքվում՝ ուղևորի վիճակի վատթարացման պատճառով, РБК-ին հայտնել են ավիաընկերության մամուլի ծառայությունից։

Օգնության կարիք ունեցող ուղևորը երկու ուղեկցորդների հետ միասին դուրս է բերվել ինքնաթիռից։ Նրանք Բաքվի օդանավակայանի բժշկական ծառայությունների հսկողության տակ են։

Մամուլի ծառայությունը չի բացահայտել ուղևորի վիճակի վատթարացման պատճառը։

Այնուհետև ինքնաթիռը շարունակել է իր երթուղին։