Ռուսաստանի դիրքորոշումը հստակ է․ ձևական կամ տակտիկական հնարքները չեն դիտարկվի․ Պեսկով

Ռուսաստանի նախագահ Վլադիմիր Պուտինը բաց է խաղաղության և Ուկրաինայի վերաբերյալ լուրջ որոշումների և քննարկումների համար, սակայն բաց չէ ժամանակավոր դադարներ ստեղծելու խորամանկությունների համար։ Այդ մասին հայտարարել է Ռուսաստանի նախագահի մամուլի խոսնակ Դմիտրի Պեսկովը։

Ըստ նրա՝ խոսքը վերաբերում է բացառապես կայուն և բովանդակային խաղաղությանը, ինչպես նաև լուրջ քաղաքական որոշումներին։ Պեսկովը շեշտել է, որ Ռուսաստանի ղեկավարությունը չի ընդունում որևէ մոտեցում, որը կարող է դիտարկվել որպես ձևական կամ տակտիկական հնարք։

Կրեմլի ներկայացուցչի խոսքով՝ Ռուսաստանի դիրքորոշումը հստակ է․ Մոսկվան պատրաստ է քննարկումների միայն այն դեպքում, երբ դրանք ուղղված են իրական խաղաղության հաստատմանը և ոչ թե կարճատև դադարների ստեղծմանը։