Կտրիճ Ներսիսյանը որևէ ձևով չի մնա կաթողիկոսական գահին. Ռուբինյան

«Հավանական չեմ համարում, որ Կտրիճ Ներսիսյանը որևէ ձևով՝ «իր ձևով», կամ «այլ ձևով» ձև ունի մնալու կաթողիկոսական գահին», - լրագրողների հետ զրույցում ասել է ԱԺ փոխխոսնակ Ռուբեն Ռուբինյանը։

«Ես կարծում եմ, որ ինքը կհեռանա քրիստոնեաբար»,- ավելացրեց նա։

Հարցին, թե Ամանորի գիշերը Կաթողիկոսի շնորհավորանքը, ըստ նրա, կհնչի՞, պատասխանել է. «Կարծում եմ, որ Կաթողիկոսի գահը թափուր է, բայց չգիտեմ՝ կհեռարձակվի՞, թե՞ ոչ, ո՛չ Հ1-ում եմ աշխատում, ո՛չ էլ հոգևորական եմ»։

Ավելի վաղ Ռուբինյանը` անդրադառնալով ռուսական կողմից հնչող հայտարարություններին, որ մասնակցության վերաբերյալ պատրաստ են խորհրդակցել Երևանի հետ, ասել է, որ «Թրամփի ուղի» նախաձեռնությանը Ռուսաստանի հնարավոր մասնակցության վերաբերյալ քննարկում չկա: