Նիկոլ Փաշինյանին են ներկայացվել ԶՈՒ նոր համազգեստի նմուշները

Վարչապետ Նիկոլ Փաշինյանի հետ հանդիպմանը պաշտպանության նախարար Սուրեն Պապիկյանը ներկայացրել է զինված ուժերի նոր համազգեստի նմուշները։

Սուրեն Պապիկյան հետ հանդիպման և բանակի նոր համազգեստի նմուշներին ծանոթանալու վերաբերյալ ՀՀ վարչապետ Նիկոլ Փաշինյանը տեսանյութ է հրապարակել «Ֆեյսբուք»-ի իր էջում։

Ի պատասխան վարչապետի հարցադրումների՝ Պապիկյանը հաստատել է,որ համազգեստի նմուշները ընդունվում են փորձարկման, իսկ հաստատում ստանալու դեպքում կմեկնարկի ամբողջ բանակի համար ձեռբերման գործընթացը։ Բացի այդ՝ հանդիպմանը նշվել է, որ նոր համազգեստի նմուշները համապատասխանեցված են Հայաստանի պայմաններին, իսկ դիզայնի տարրերն արված են հատուկ պատվերով։