Նիկոլ Փաշինյանը որոշել է աշխատանքից ազատել Շիրակի մարզպետին. «Փաստ»

Երեկ հայտնի դարձավ, որ Նիկոլ Փաշինյանը որոշել է աշխատանքից ազատել Շիրակի մարզպետ Դավիթ Առուշանյանին: Պետք է ենթադրել, որ Փաշինյանի այս որոշումն անակնկալ է եղել հենց Առուշանյանի համար, քանի որ երեկ առավոտյան պատրաստվում էր ասուլիս տալ՝ ամփոփելու իր աշխատանքային գործունեության 1 տարին (նա նշանակվել էր 2024 թ. դեկտեմբերի 19-ին), սակայն մարզպետարանի պաշտոնական կայքէջում պարզապես տեղադրվեց ամփոփիչ տեսանյութ: Այս մասին գրում է «Փաստ» թերթը:

Թերթի տեղեկություններով, Առուշանյանի ազատումը կապված է հիմնականում երկու գործոնի հետ: Մեկը վերաբերում է Գյումրու ավագանու ընտրություններին, երբ ՔՊ-ն պարտվեց ընդդիմությանը: Մյուսը կապված է «Յոթ վերք» եկեղեցում պատարագի հետ: