Սառեցված ակտիվների հարցը մեռած է. Օրբան

Հունգարիայի վարչապետ Վիկտոր Օրբանը հայտարարել է, որ Եվրամիությունում սառեցված ռուսական ակտիվների բռնագրավման հարցը փաստացի դուրս է եկել օրակարգից։

Օրբանի խոսքով՝ ԵՄ-ում չկա բավարար աջակցություն նման որոշում ընդունելու համար։ Նա նշել է, որ արդեն ձևավորվել է այսպես կոչված «արգելափակող փոքրամասնություն», որը թույլ չի տալիս հավաքել անհրաժեշտ ձայների քանակը նախաձեռնությունը առաջ մղելու համար։

«Ես կարծում եմ, որ սառեցված ակտիվների հարցը մեռած է։ Երեկ երեկոյան տեսա, որ բավական թվով ընդդիմադիր երկրներ կան, որոնք կարող են կազմել այն քվեների քանակը, որը այստեղ անվանում են արգելափակող փոքրամասնություն։ Կարծում եմ՝ այս թեման այլևս ակտուալ չէ», - հայտարարել է Օրբանը։