Յուրաքանչյուր իրեն հարգող հայ պետք է ունենա ԱՄՆ անձնագիր. Նաիր Թիկնիզյան

Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Թիկնիզյանը խոստովանել է, որ այս պահին ունի չորս քաղաքացիություն։ Հայկական, ռուսական և սերբական անձնագրերից բացի նա ստացել է նաև ամերիկյան անձնագիր։

Հարցին՝ «Ինչո՞ւ է քեզ պետք ԱՄՆ անձնագիրը», ֆուտբոլիստը հումորով պատասխանել է. «Ինչո՞ւ է ինձ պետք այս անձնագիրը։ Որովհետև յուրաքանչյուր իրեն հարգող հայ պետք է ունենա ԱՄՆ անձնագիր», – ասել է Թիկնիզյանը Nobel YouTube ալիքին տված հարցազրույցում։

Նշվում է, որ Թիկնիզյանը «Ցրվենա Զվեզդային» միացել է 2025 թվականի ամառային տրանսֆերային պատուհանի ընթացքում։ Սերբական ակումբի կազմում պաշտպանը մասնակցել է 25 հանդիպման և կատարել 2 գոլային փոխանցում։